Téra bô sabê
Téra bô sabê
K’e mistide un x tonte
Pa kada Ome vivé sima jent
Ma nhas brose o téra
Ta bituode ta batê
Rije, sek y fróke
Sima karise na sementera de jent
Pa d’pos N ben fka
K’nhas mon na féria
Na mizéria de un txuba ki ka ben
Ô tanbor baziu
N’abuze de partilha ma renda
D’aquês ki ka trabaiá
Ónes de inprensa d’stranjer
Sen raforma nen pensaun
Duensa na roséga,
Liberian, Grege, Olanda
Fidje sen skola
Amdjer largode
Nun vida dure
Di fazê dnher pa otes gordá
Ma nos mar e péska
E nos peska e martírie
Di luarada na mar
Bote, brose y linha
Un pexe y mei pa kada un
K’fidje na kasa
(de Renato Cardoso)
0 kumentáriu :
Enviar um comentário