Porton di nos ilha
Kuande un mundo novo kunki
Na porton di nos ilha
Pamode ken fogon sen paia
Na ladera sen sinbron
Tude máin xei d’fidje sen stória
Tude grile kebrá se pedra
Pamode manhan ka ten prutxida
Y no kemá morabeza
Ma distinu tristi d’ilheu
Y no spaiá ses puntinha
Nun pratu funde sen fture
Di tudu ben sirbidu ki kriás
Y no kruzá un enxada
Ma un bróka y no spaiá
Un nôve ideia na nos mar
Sol y morabeza pa tude gente
Tude nos farol di morti
Simitériu di nos água
No vra tera pa tude jente
Lei, tude kriston, tude sinbron,
Ten direite na sê gota d’ága
(Renato Cardoso)
0 kumentáriu :
Enviar um comentário