Tmá Bonê

Tmá Bonê

   15:41       Fami Txaskan

---

Olá, como vai?
Monê k’ta dzide?
Então, modê?
K’monê bo ten pasóde?

Senpre foi salvá de un bon kriston,
E n’á sô tmá boné, atê N ta lenbrá

Poren, nen s’era asin asin,
En kauza de delikadéza, oiá troká-l kamin
Bô ta desculpa tanbê bodí
Mi já N perdê kontá

E k’á dias N txi pa morada
Bô oia-m, bô serka-m na kamin
Mi ta krê trata dese vidinha
Bô ta krê gorda-m nha boné

Nutisia ka ta dode asin
K’e nuvidade na munde tanbê podê falta
N’ilha txeu mnine piknin bo nen ka repará
Pakê mas un bonê pa stóde ta intxá kriston

 (Jorge Humberto)

Read More

Torraun di meu

Torraun di meu

   21:22       Fami Txaskan

---

Torraun di meu dia ki txuba beja-bu
Sorizu na rostu ta lumiá mas txeu
Mininus ta perde na mei di midju kressidu
Ta sgrovetá txon kada galinha pa se banda
Kantar de pardal na rotxa ta ser senal de rikeza
Ta ser un grande alívie p'ese pove markode pa tenpe

Morna nhas raiz ta finkode na bo seiva
N kriá dboxe di ternura de bos verse
N durmi enbaladu na bo melodia
Ku bo N ta falá ku tudu mundu
Sen bo mi e un muribundu sen ar
Bo e mensajen pa tude kretxeu na térra lonje
Bo e linguajen pa tude kriston kabverdiane

Ami e feliz ke N da nes txon
Ondê ke rikeza e forsa d'ome
Ami e feliz ke N da nes txon
Ondê ke tude ome devia ser irmon

(Daniel "Nhelas" Spencer Brito)

Read More

Badiu Si

Badiu Si

   11:06       Fami Txaskan

---

N bá pa kása nha kumádri
N bá pidi konsedju
Maridu dja sai á ta kámba Praia
Libóriu bo e ka brinkadera
Dja-u pánha kel báka
Ki-nu katrisa ku el
Désdi (Si) ki Grigóri nasi

Ki nu ta ganha nós pon (di dia)

Labánta sédu palmanhan
Ta bána kabésa
Ta pidi Nhordés
Pa djudâ-m ku bida
N mára nha suláda
N poi nha fidju na pontáda
Troxa na kabésa
Pa labuta bida

Nha kuskús dja fika sen leti,
Kufongu séku raganhádu
Mosinhus ka kré
Tánbi nha kapuera sen galinha
Óbu nen pa ramedi

(Kim Alves)

Read More

N ta kebróde nen Djosa

N ta kebróde nen Djosa

   11:30       Fami Txaskan

---

Nha julbera ka ten un sênte
N ta kebróde nen Djoza
La na kaza moral ta boxe
N ta kebróde nen Djoza
Ja N mandá paródia pa stótxa
N ta kebróde nen Djoza
Ka un na se lugar
N ta kebróde nen Djoza

Mesme asin
La pa dia 10 a N ta inraskóde
Vida ta-m difisil
Ka ten matematika pa rezolvê

Gosturdia diabe intenta-m
N tá kebróde nen Djoza
N korê mon na koza de jente
N ta kebróde nen Djoza
N benzê N sei ta bai
N ta kebróde nen Djoza
Moda N lenbrá mi e kabverdiane
N ta kebróde nen Djoza

Oh, Zulmira
Ka bo infronta-m
Ja N ka pode mas

(Vlademir "Vlu" Ferreira)

Read More

Pila ku nha boi

Pila ku nha boi

   13:01       Fami Txaskan

---

Iaiai N á ta pensa na kasa
N á ta zinga má ka teni koraji
Ui ui nhos leban Gudin
Pa N bá da Sakramentu
Pa N libra prufetas Praia

Di Figeral bu ta kodji bon figu
Fitxu’l kabra ta bá rotxa galopia
Di mamai bu ta ten má konpanhera
Kredu abrunusia Djuzus anti’l keda
Baka si rabu Deus ki ta bana

Nha boi, oh, nha boi
On nha boi pila ku nha boi
Ka ten konpasu, nha boi
Sen konpasu, nha boi

(Zeca & Zeze Nha Reinalda)

Read More

Puntin Puntin

Puntin Puntin

   16:07       Fami Txaskan

---

Es dze ma ken ta kontá un konte
Senpre el ta kressenta un ponte
P'un storia mi ja N tra ke dvera
Konde N uvil en ne sin kel era

Un vez Jonzona era motxe
El tava ten amdjer era pa kótxe
Ma oje na banhera de nha Ema
Es oiá (trá) kma el e motxe y féma

Puntin puntin ta kressenta
Kuste d'vida ja vrá ta matá
Ate ke já N korrê oje na Stancha
Ta pdi sabóla pa ptá na kanja

Tude koza gora ta mudode
Tude koza ta modernizode
Ate kel bidjinha de nha Jóva
Ti ta pintá pa vrá mas nóva

(Paulino Vieira)

Read More

Avenida Marjinal

Avenida Marjinal

   09:04       Fami Txaskan

---

N'avenida marginal
Nun luar di madrugada
Uns ta brinká no Sotá
Otes ta brinká mae má pai
Oi k'sabura ta brinká na mei di kriola
Nun silensie di madrugada
T'uvi mar skebrá n'areia

V'nida marjinal é k'ta na moda
V'nida marjinal é k'ta morrê pêxe
Ô Djack, ben nese kalor di madrugada
Ben nese kalor nô ta pasá sábe

(Manel D'Novas)

Read More

Suzana

Suzana

   15:32       Fami Txaskan

---

Suzana branka
Suzana branka, bunita
Oji e di meu manhan e di bo
Nha bida sta bu mon
Si N mori bo ki mata-m

Suzana branka
Divagar k'e tenpu
Modi ka ten, ka konbersu
Djetu ka ten, ka rabesu
Sakedu kétu pa nu papia

Suzana branka
Puxin Barela fla-m pa N flo-u minina
Pa tardi midjor e sedu
Suguru mori di bedju
Konsedju el ki ten pa do-u

Suzana ka bu larga-m
Suzana ka bu mata-m
Suzana ka bu fronta-m
Má Suzana (branka) hmm

Minina branda, branda minina
Fladu ma Nhordéz fazi si mundu na séti dia
Má paxenxa... fla-m nou ka ta mata-m
Ma si dura ki fla-m go, ta magrise-m

Suzana branka
Kabelu finu na kabesa
Koxa rodondu na kantu kalsa
Sima bola na kanpu
Kusa sábi di djuga

Suzana branka
Bo e galinha mi e galu
N ta kanta na puleru
Sábi kume bu boka
Sábi piska ku odju

(Finaçon)

Read More

Oh mundu ka bu kaba

Oh mundu ka bu kaba

   11:16       Fami Txaskan

---

N bá Txada Santantoni
Na kasa di nha Fróza
N odja kuzas d'otu mundu
La na mundu di nha Fróza

Mininu matxu, xemadu
Rapika pe na txon
Tora dama, fúmu fitxa na sala

Soris bazadu
Ferinhu tenpradu
Palmu rapikadu
Gentis djuntado ta grita ku tudu forsa

Oi mundu ka bu kába
Oi mundu ka bu kába

Ku spingarda, pistola, fogeton
Nha genti es krê kaba-nu ku mundu
Pô kamuga na fundu mala
Nha korpu sa ta due-m

Ku es probreza
Ku sês abuzu
Sês apartheid
Mersenáriu krê kaba-nu ku mundu

Nôs nu ka ta dexa
Nu ka ta dimiti, nu ka ta pirmiti
Nu ta djunta pa nu grita ku tudu forsa

O mundo ka bu kába
Pamodi N sta mutu nobu
Nha Fróza, Nha Fróza
Nha vinti skudu e ti manxi

Minina da-m bu sukri
Pa N ndoxa nha kafe
Mamai da-m bu petu
Pa N máma leti doxi

Manhanha laba linpu
Pamodi N ta kume tanbe
Minina da-m bu bala
Pa N poi nha pistola

(Bulimundu)

Read More

Moças di Mangui

Moças di Mangui

   16:04       Fami Txaskan

---

Kapadu gosi ka ta fladu
Sabidu di gósi ka ta inxinadu
Korpu ka runhu ka mal tadjadu
N ta odjabu la na rubera

Mosas di Mangi korpu linpu
Perna stikadu koxa rodondu
Kabelu pretu ben transadu
Fladu ma mama sta na petu

N staba ta pasaba na nha kaminhu
Nha genti N xinti gaita ta pupa
Era son finu di funaná
N fla nha genti keli e gaita nha kunpadri (di Eduino)

Sodadi Tarafal,
Sodadi Ponta Lagua,
Sodadi Txon Bon di Mangui
Sodadi ta mata-m
Sodadi Alfredo Carvalho
Sodadi 3 di Outubro
Sodadi Rubon Manel

(Ferro Gaita)

Read More

E Morna

E Morna

   09:46       Fami Txaskan

---

Ese sodade ki ta invadi-m nha peito, e morna
Ese vontade d’oiá rizonhe tude ese nôs pove, e morna
Tude alegria d’inkontrá un velho amigo, e morna
Tude kel ternura na olhar de un kriansa, e morna
Kel lua xeia ki ta invadi nos lar, e morna
Kel água azul, mar k’ta serká nôs téra, e morna
Kel morabeza inkontrode pa tude se kónte
Dakele lenbransa de ter konxide Kabe Verde
E ate un lagrima de ken ke ta sofre de amor, e morna


(Desconhecido/ Dudu Araujo)

Read More

Pidrin

Pidrin

   09:28       Fami Txaskan

---

Ome e kel ke ka ta txa familia nen sangue perde
Ta po amdjer dent’na kaza, pa rása pode mante
Asin ta flaba mi nha avô Manel
Ma mi kuitadin, ten txeu tenpe ke N largá tera
Idade dja entra-m na korpe, se N ka dspatxâ n ka ta txgâ lâ

N rezolve skreve prime jon, ome de odje ragalode
Amdjer e ta konxe-s e so pa txer
Pa’l spia-m un kriatura pa’l manda-m se ratrote
Y se for boa pésa el pode markâ kazamente
Ka ten prublema N ta kâza

Ka pasa nen un mes mi Pidrin dja-m tá kazode
N ka pude stode la prezente má nha prime tá lá pa mi
Ta lenbro-m ma na vespra Djinha tá kantaba
Iá Pidrin oje e ke bon dia
Ningen ka dobe nose Senhor e k’dóbe
Oh, k’sabe

Un one y mei dpôs Pidrin txgá na téra
Primera koza ke el faze foi mandá btá un bói
(Atenção, atenção população de Jon Galeg)
Iá jente de Jon Galeg Pidrin manda flâ
Ma dja-l txgâ na téra, groge na se kaza ta avontade
(Pidrin dja txgâ!)
Flipa nha amdjer de fakte era lovar-a-deus
El matá 3 kapode pa resebe ses Anton Motxe
Y durante nhas 2 mês N mostra-l ken k’era mi

Dpos de voltá pa faina era tudu dia ta sperâ notisia
Mó n tinha kuaje serteza mó márka fkâ pa trás
Ka pasa nen 5 mez txgâ notisia m’era un rapaz
N fkâ taun kontente ke n fuzkâ n data de bês
Mó Pidrin ja e papá, Pidrin ten un rapaz

Na dia siginte N resebe karta de nha prime Jon
N po un Gin pa frente pó-m alê na susege
El fló-m, meu primo nossa raça e dzgrasóde
Má bo ka ta otxâ ma bo e lijer
Bo pai mandâ flobe mó graças a Deus
Bo ma bos irmon bibe leite de vaka a vontade
Ma kuaje e so na bo e ke marka djâ fkâ
Pa falâ verdadi mi n ka konprende
Mo mi n tava taun kontente
Mo Pidrin ja e papá, Pidrin ten un rapaz

(Tio Lino)

Read More

   09:16       Fami Txaskan

---

Ku pena N pêga na pena
Pa nha pena N ben konta-bu
Ku mas pena N larga pena
Ku pena N ka podê odja-bu

(Pedro Cardoso)

Read More

Fogue na Olhar

Fogue na Olhar

   11:54       Fami Txaskan

---

Na bo olhar un notá un fogue ta konsumi-be
E bôs lenbransa ke ta vive senpre ta konpanho-be
Má n ta dze-be mudá bo vida mudá
Pa bo pode konprende ken ke ta na bo lode

En vez de pensá ke munde e ke ten ke txgá na bo
Txgá na el mode bo ka e sentre dese universe
El e taun grande maior ki tude orgulhe mas grande
Má sen bô talvez el ka ta ezisti

Di vez en kuande sei di bo mese ou di bo konxa
Rekordá pode ser perde rume do ki na verdade e
Un fogue ta kabá k’ote fogue
Má inda ta restá sinza


(Vasco Martins)

Read More

Têris ka pexi pa xinti txeru

Têris ka pexi pa xinti txeru

   15:53       Fami Txaskan

---

Oi sedi ki n ka podi bebi
Djobe-m di pe sai kabê
Mal tadjadu ka malkriadu
Xeiu di forsa pa n da-bu tudu kel ku krê

Oi sedi ki n ka podi bebi
Águ na bolsa kre disprinda garganton
Sprinta-m kel beju ke tudu nha dizeju
N ta sprinta-u monzada sábi ki ka ten mondon

Oh dja n ten idadi xinti sábi
Sábi ki sa ta mata-m, oi
Sábi ki sa ta gatia-m
Si sai konplikason nu tá pa nos kalderon

Teris ka pexi pa xinti txeru
Monzada sabi ka ten mondon
Jogu di luz dentu Pilon
Maria-m kabesa
N ka da pa si

Nha guenti N pila, N pila na Pilon
Nha guenti N pila, N pila na Ateia
Na Imasom, na Tropicana,
Na Sedicor, na Chacra
Na Avis, na Hi Step
Na Katen, na Je T'aime
Na Motorin, na Morabeza
Na pasaji d'anu nen si ben otu mininu

(Zeze di Nha Reinalda)

Read More

Inkondisional

Inkondisional

   14:33       Fami Txaskan

---

Si bô kre-m N kre-b
Si bô ka kre-m mesme asin
N kre-b simé
Bô e ke nha strela gia
Kretxeu d'nha pensar
Bô e kê nha razaun d'vivê

Já N krebo na nha pensamente
Di korason di korpe intêr
Ku tudu forsa di nha ser
Ben ser di meu ô d'ôt algen
Ka inporta-m se pa bô ben
Li na nha peite ô notro leite
Kriola bô é kê nha luz
Zelá pa bô felisidade
É tude nha razaun d'vivê

Nen si bô ka kre-m
Si bô ka kre-m mesme asin
N kreb feliz
Alimenta-m k'bô alegria
Sorizu di bô rosto
E k'ta da-m forsa
Pa N vivê

(Constantino Cardoso)

Read More

Sábi

Sábi

   17:03       Fami Txaskan

---

Maz sábi ki sábi
Sô sô sábi
Má maz sábi ki sô sábi
Sô poi sábi

Read More

N Sunhá

N Sunhá

   09:55       Fami Txaskan

---

N sunhá k'bo
Nha téra kretxeu
No ta ta ben d'mon dóde
Oi na séu
Pa strada fora d'Liberdade

Skeside tude nôs péna
Maróde na nôs sertéza
Ta kantá feliz un koladera
Mi ma bô nha kretxeu
Lode a lode, mon na mon
Oi finkode na séu
Na séu azul d'nôs future
Feliz da vida
Pa strada fora d'Liberdade

(Amílcar Spencer Lopes)

Read More

FRI (FREE) SON

FRI (FREE) SON

   15:09       Fami Txaskan

---

FinaSon sen fin
pó raiz di lonji
voz di konfin
éku ki ben ti oji
roladu na mundu
y na tempu ku Son
na tereru batuku
txabetadu na txon
ah Kabuverdianu
gaita ku ferinhu
Son ki ta gatianu
grandi ku mininu
mi ê Son serenata
nkunhadu na tenpu
bibu madrugada
ta bolokia na ventu

(Djinho & Kaka Barbosa)

Read More

Dexa-m kai

Dexa-m kai

   14:57       Fami Txaskan

---

Ta kai
sima un folha
onradu pa ragáz di bu koraSon

Nha kéda
ê ntréga di alma
sen médu

Nha kéda
s´ta brasadu pa luz
muzika

Dexa-m kai…

N´krê sabi si amor
ten un kódigo
na marjen di riu di vida

(Djinho Barbosa)

Read More