Apokalipse
Paké tonte maldade nese munde
S'nô ta li sô pa un segunde
Paké tonte inamizadi
Pa jerá infelisidadi
Paké tonte ingustia d'géra
S'nô podê kriá paz na téra
Mdjor ê pensá
Ome ta xei di malvadeza
Sen respeite pa natureza
O Deus vale-m
Tonte invent na planeta
Tonte kuitode pa maneta
Sen ses ora txegá
Monopol de un kambada
E destine di nôs vida
Kada ora un notisia
Kada minute un malisia
Dezarmamente e konversa
Pa banquete e vise versa
É fortuna nun ponta
É mizéria note ponta
Munde ta pior k’un joge d'boka
Ka bô manda-m kala boka
N ta dzé verdade
No tita vivê d'boxe d'amiasa
Nun flagele pa tude rása
Munde podia ser ote kosa
Vida podia ser kor d'roza
Si nôs tude podia juntá mon
Ku Deus y amor na korason
Ma biblia ta fla Apokalipse
(de Manel D'Novas)
2 kumentáriu :
oi tudu dretu?
Nha nomi é samira... un kre fla olá especialmenti pa módi mimé n'teni um blog baga-baga, ki é nha organizaçon també... n ta spera ma nu podi troca informaçom, contactu, etc.
mantenhas,
samira
oi tudu dretu?
Nha nomi é samira... un kre fla olá especialmenti pa módi mimé n'teni um blog baga-baga, ki é nha organizaçon també... n ta spera ma nu podi troca informaçom, contactu, etc.
mantenhas,
samira
Enviar um comentário